நாகம்

ஆதிசேடன் கார்கோடகன் இருபெரும் நாகங்கள்

ராகுவும் கேதுவும் நாகத்தின் தலை வால்

ஜாதகத்தில் நாகம் தடையாகும்

ஐந்து தலை நாகம் அணை; காட்டு நாகம் கழுத்து மாலை எம் கடவுளருக்கு

புற்றடிக் கோயில்களில் நாகங்களும் கடவுளர்

பாம்பின் பகையுறவு பருந்தும் பகவான்தான்

பாம்பில் படுத்துறங்கிய பெருமான்

பருந்து வாகனத்தில் பவனி வருகிறார்

புற்றடிக் கடவுள்கள் சாமான்யனுக்கு - புற்றடிக்

கடவுளரின் கடவுள்கள் சமர்த்தர்களுக்கு - எனினும்

இவை ஏதுமறியா நாகம் பல்லிழந்து

படமெடுத்தாடியது பாம்பாட்டி மகுடி முன்.